不尋常的电梯

黄振龙

    文章简介：每逢节日，我例牌同班朋友到卡拉......玩到凌晨三点钟，大家都带住半分......我返到屋企已经成四点钟，突然接......当架电梯落到地下，佢先行出来，......小泉拿完后，又去后门搭电梯。当......落到地下，门一打开，小泉跑出去......我叫佢唔好理咁多，合埋眼快跑，......



时间：99年12月31日 地点：卡拉OK 人物：小泉

    每逢节日，我例牌同班朋友到卡拉OK庆祝。99年12月31日系世纪末的大日子，我地去了卡拉OK，还一齐倒数。

    玩到凌晨三點钟，大家都带住半分醉意咁离开返屋企。小泉到另一边巴士站搭通宵巴士，走到后门搭的车比较近。我就跟大队由前门走去搭的士。

    我返到屋企已经成四点钟，突然接到小泉的电话。佢话头先一入后门架电梯，见到三个男人在里面，佢冇理人地，见个Ｇ字未按，佢就按掣兼关埋门。

    當架电梯落到地下，佢先行出来，但那三个男人冇跟住行出来，佢个心只覺奇怪。佢行行吓发觉漏左野在卡拉OK里，于是返转头搭返電梯上去拿。又见到那三个男人仍然在电梯里。小泉开始惊，但漏左野又唔可以唔拿，唯有顶硬上入去。

    小泉拿完后，又去后门搭电梯。当电梯门一打开，惨！又系那三个男人。佢地根本未离开过电梯！小泉吓到面都青埋，多口咁问吓佢地一句：「你地究竟去边度?」佢地竟然畀个令人窒息的答案：「我地落地府。」

    落到地下，门一打开，小泉跑出去，但感觉到电梯门仍未关埋。佢一时八卦，转个头睇睇，见到三个男人已沉入下半身，真系落紧地府，仲對住佢奸笑。佢已经被吓到脚软，即刻跳上的士，有咁快走咁快。

    我叫佢唔好理咁多，合埋眼快跑，当乜事都冇发生过，以后都唔去那间卡拉OK。

Cloud

[zzzzz] [zzzzz]